തുഞ്ചൻ സ്മാരക പ്രബന്ധമത്സരത്തിന്    രചനകൾ ക്ഷണിക്കുന്നു

                        

കേരള സാഹിത്യ അക്കാദമിയുടെ 2025-ലെ തുഞ്ചൻ സ്മാരക പ്രബന്ധ മത്സരത്തിന് രചനകൾ ക്ഷണിക്കുന്നു. 5000/- രൂപയും സാക്ഷ്യപത്രവുമാണ് മികച്ച പ്രബന്ധത്തിനുളള പുരസ്കാരം. “അധ്യാത്മരാമായണം ഭാവവും ഭാഷയും” എന്നതാണ് വിഷയം. രചനകൾ 30 പേജിൽ കുറയാതെ മലയാളത്തിൽ ടൈപ്പ് ചെയ്തതായിരിക്കണം. കൈയ്യെഴുത്തുപ്രതി സ്വീകരിക്കുന്നതല്ല. ഏതു പ്രായത്തിലുളളവർക്കും രചനകൾ അയയ്ക്കാം. ഒരു തവണ പുരസ്കാരം ലഭിച്ചവർ മത്സരത്തിൽ പങ്കെടുക്കുവാൻ പാടുളളതല്ല. പ്രബന്ധരചയിതാക്കൾ പേരും പൂർണ്ണവിലാസവും ഫോൺ നമ്പറും മറ്റൊരു പേജിൽ എഴുതി പ്രബന്ധത്തോടൊപ്പം സമർപ്പിക്കണം. പ്രബന്ധങ്ങൾ 2026 ഫെബ്രുവരി 6 -ന് മുമ്പ് സെക്രട്ടറി, കേരള സാഹിത്യ അക്കാദമി , പാലസ് റോഡ്, തൃശൂർ -680020 എന്ന വിലാസത്തിൽ നേരിട്ടോ, തപാൽ മുഖാന്തിരമോ അയയ്ക്കേണ്ടതാണ്. ഫോൺ – 0487-2331069, 2333967