2025-ലെ കേരള സാഹിത്യ അക്കാദമി അവാർഡുകൾക്ക് ഗ്രന്ഥങ്ങൾ ക്ഷണിക്കുന്നു.

                                                                                     കേരള സാഹിത്യ അക്കാദമി

                                                                                     തൃശൂര്‍ 4/11/2025

2025-ലെ കേരള സാഹിത്യ അക്കാദമി അവാര്‍ഡുകൾക്കുള്ള ഗ്രന്ഥങ്ങൾ ക്ഷണിക്കുന്നു. 2022,2023,2024 വര്‍ഷങ്ങളിൽ ആദ്യപതിപ്പായി പ്രസിദ്ധീകരിച്ചിട്ടുള്ള കൃതികളാണ് അക്കാദമി അവാര്‍ഡിനും എൻഡോവ്മെന്റ് അവാർഡിനും പരിഗണിക്കുന്നത്.

അക്കാദമി അവാർഡുകൾ: കവിത, നോവൽ, നാടകം, ചെറുകഥ, സാഹിത്യവിമർശനം (നിരൂപണം,പഠനം), വൈജ്ഞാനികസാഹിത്യം (ശാസ്ത്രം-മാനവിക വിഭാഗങ്ങളിൽപ്പെട്ട വിജ്ഞാനഗ്രന്ഥങ്ങൾ), ജീവചരിത്രം (ആത്മകഥ/ തൂലികാചിത്രങ്ങൾ), ഹാസ്യസാഹിത്യം, യാത്രാവിവരണം, വിവര്‍ത്തനം, ബാലസാഹിത്യം.

എൻഡോവ്മെന്റ് അവാർഡുകൾ:

സി.ബി.കുമാർ അവാർഡ് (ഉപന്യാസം, 10000/- )

40 വയസ്സിന് താഴെയുള്ളവർ രചിച്ച കൃതികൾക്കുള്ള എൻഡോവ്മെന്റ് അവാർഡുകൾ:

യുവ കവിതാ അവാർഡ് ( കവിത 10000/- രൂപ), ഗീതാഹിരണ്യൻ അവാർഡ് (ചെറുകഥ 10000/- രൂപ).

ജി.എൻ.പിളള അവാർഡ് (വൈജ്ഞാനികസാഹിത്യം 5000/-രൂപ)

50 വയസ്സിന് താഴെയുള്ളവർ രചിച്ച കൃതികൾക്കുള്ള എൻഡോവ്മെന്റ് അവാർഡ് :

പ്രൊഫ.എം.അച്യുതൻ സ്മാരക എൻഡോവ്മെന്റ് അവാർഡ് (സാഹിത്യവിമർശനം).

ഇതിനുമുൻപ് ഏതെങ്കിലും വിഭാഗത്തിൽ അവാർഡ് ലഭിച്ചവരുടെ കൃതികൾ അതാതു വിഭാഗങ്ങളിൽ പരിഗണിക്കുന്നതല്ല.

എഡിറ്റ് ചെയ്ത പുസ്തകങ്ങളും കൈയെഴുത്തു പ്രതികളും ഇംഗ്ലീഷ് പുസ്തകങ്ങളും പരിഗണിക്കുന്നതല്ല.

മുകളിൽ പരാമർശിച്ച വർഷങ്ങൾക്ക് മുമ്പ് പ്രസിദ്ധീകരിച്ച പുസ്തകം മറ്റുുപ്രസാധകർ ആദ്യ പതിപ്പായി പ്രസിദ്ധീകരിച്ചതാണെങ്കിൽ പരിഗണിക്കുന്നതല്ല.

N.B.അവാർഡിനുള്ള പുസ്കകങ്ങളോടൊപ്പം വയസ്സ്  തെളിയിക്കുന്ന രേഖ (എൻഡോവ്മെന്റ്  അവാർഡുകളുടെ പ്രായം കണക്കാക്കുന്നതിനുവേണ്ടി)കൂടി അയയ്ക്കേണ്ടതാണ്.

ഗ്രന്ഥകർത്താക്കൾ, അവരുടെ ബന്ധുക്കൾ, സുഹൃത്തുക്കൾ, പ്രസാധകർ, സാഹിത്യ സാംസ്കാരിക സംഘടനകൾ എന്നിവർക്ക് അവാർഡ് പരിഗണനക്കുള്ള പുസ്തകങ്ങൾ അയച്ചു തരാവുന്നതാണെന്ന് കേരള സാഹിത്യ അക്കാദമി സെക്രട്ടറി അറിയിക്കുന്നു. കൂടുതൽ വിവരങ്ങൾക്ക്  www.keralasahityaakademi.org  എന്ന വെബ്സൈറ്റ് സന്ദർശിക്കുക..

മേൽപ്പറഞ്ഞ 3 വർഷങ്ങളിലെ കൃതികളുടെ 3 പകർപ്പുകൾ വീതം 2025 ഡിസംബര്‍ 15-ന് മുമ്പ് സെക്രട്ടറി, കേരള സാഹിത്യ അക്കാദമി,  ടൗൺ ഹാൾ റോഡ്, തൃശൂര്‍-680020 എന്ന വിലാസത്തിൽ അയച്ചു തരാവുന്നതാണ്.

പ്രൊഫ.സി.പി.അബൂബക്കർ

സെക്രട്ടറി